ЕХФ во последен миг ги промени судиите за дуелот со Гeрманија

Европската куќа на ракометот направи вистински преседан со промената на веќе делегираните судии за натпреварот Македонија - Германија.

ЕХФ најпрво ги делегираше руските судии Золтин и Володков за потоа, во последен момент да го промени решението и делители на правдата да бидат Леифсон и Палсон од Исланд. До сега нема никакво официјално соопштение од организаторот на Европското првенство па ваквиот преседан предизвикува сомнежи кај македонската делегација и фанови пред почетокот на натпреварот со Панцирите. После поразот во првото коло, вечерашниот натпревар против Македонија за Германија претставува „последен воз“ за влез во втората фаза од натпреварувањето.